МЕН ТІ МУСАӦСЬ ӦНІ И ПЫР
Переделкино мыльквывса пожӧмъяс, Мыйла сэтшӧм ті мусаӧсь мем? Тӧвнас вола кӧть татчӧ, кӧть гожӧмнас, Торъя сибӧдантор тіян эм. Гашкӧ, сійӧн, мый муслунӧс туявлі Тіян костӧд, том вӧлі ме кор? Али сійӧн, мый шондікӧд уявлі Эстӧн прудъяс — и некод эз сор? Москва борд улын ті. Юръяс вылынӧсь. Сідз жӧ шенасянныд лун и вой. Войвыв чойясныд Сетуньсянь ылынӧсь. Быдӧн на пиысь меным тшӧтш чой. Найӧ дзоргӧны менам Печораӧ Либӧ видзӧны сэн лымъя эрд. Кадыс на весьтын тадзи жӧ горалӧ, Тадз жӧ шыалӧ — ӧнъя ног, дерт. Кӧть и бандзибӧс кырсьнаныд кыранныд, Оз тай сы вӧсна сьӧлӧмӧс кыр. И ме нӧшта на висьтася, кыланныд: Мен ті мусаӧсь ӧні и пыр. Кытчӧ менӧ оз шыбитлы олӧмыс, Меным ломзьӧ тшӧтш тан слӧйман би. Тан землячкаяс дум вылӧ волӧны, Гортын дум вылӧ усьланныд ті.
Гижӧд
Мен ті мусаӧсь ӧні и пыр
Жанр: 

lkejrlkelkrgner klrjnelknfrkl ekjnrjkenfrej

1