ЫЛЫН КЫВСЯН, МИЯН ПЫВСЯН
Ылӧдз нималан да кывсян, Коми войтырлӧн пӧсь пывсян. Тӧдса мыгӧрнад нин коран, Сотысь рунад нэмтӧ колан. Тӧвнас, кӧдзыдыс кор лыйсьӧ, Тэтӧг небзяс ӧмӧй лы-сьӧм? Сотысь руа гор вом восьтам — Содтӧд жарсӧ запас босьтам, Медым медся чизыр тӧвсьыс Эгӧ повзьӧй — ачыс ӧвсис. Но и гожӧмнас, кор сідз нин Жарсьыс асьнымӧс не видзны, Весиг сэки биа корӧсь Гартлӧ русӧ дорсянь дорӧдз. Лӧддза-номъя видз выв бӧрын Асьным быттьӧ сэк рай шӧрын. Кӧджас петавны кӧть эштам — Киӧн моз жӧ мудзсӧ вештан, Бара лӧсьыд, бара долыд — Ветлӧ кокньыдика лолыд. Быттьӧ шыбитім во дасӧс, Бара страдуйтны ми дасьӧсь. Бара томмим, бара выльмим, Бара кыськӧ воис вынным. Бара видзӧдласным югыд, Сӧдзӧм мӧвпнымӧс он жугӧд. Аттьӧ тэныд, коми пывсян! Весьшӧрӧ мӧй ылын кывсян?
Гижӧд
Ылын кывсян, миян пывсян
Жанр: 

lkejrlkelkrgner klrjnelknfrkl ekjnrjkenfrej

1