×

Status message

Do something on load!

НЯША СИКТЫС КОЛЬӦ БӦРӦ
Няша сиктыс кольӧ бӧрӧ — Теплоходным содтӧ ӧд. Эськӧ сьӧлӧмам эг тӧрӧд, Эг кӧ сиктсӧ ачым тӧд, Эг кӧ аддзыв берег вывсьыс Таті ытваасьысь май, Эг кӧ корӧсьӧн сэн пывсьыв, Эг кӧ другкӧд юлы тшай, Эг кӧ сэкся зарни маяс Шонді петігӧн нин вод, Эг кӧ тӧдлы тшӧтш и найӧс, Бырны вевъялӧма код. Олӧм кывтӧ. Кывтӧ юыс. Теплоходным кывтӧ збой. Уна ва Печора нуис, Содтӧд нуас тайӧ вой. Сэк, кор воим куръя вомӧдз, Ачыс аснас югзис сикт: Катыдпомсянь кывтыдпомӧдз Ӧзтіс бияс — ставсӧ дзик, Мед ме аддзи сійӧс ылысь, Арся рытыс мед эз сор. Медым улысь, медым вылысь Сійӧс тӧдны эз вӧв сёр. И кӧть сайӧдӧ нин діыс Сиктсӧ — югыдыс оз быр: Меддор керкаыслӧн биыс Ӧзйӧ ӧтнамӧйлы пыр.
Гижӧд
Няша сиктыс кольӧ бӧрӧ
Жанр: 

lkejrlkelkrgner klrjnelknfrkl ekjnrjkenfrej

1