СІЙӦ КӦЛӦ МЕН, КӦЛӦ...
Пырджык гожӧмын ми чужан сиктаным волам, Шоныд пӧраӧ быттьӧ сэн ёнджыка колам. Тайӧ збыльысь ӧд сідз, тайӧс ас серти тӧда: Отпуск воас — и муса Печоралань мӧда. Сэктӧ любӧ ас войтыркӧд, сэтшӧм сэк долыд! Паськыд ювывса гы моз жӧ ветлӧ сэн лолыд. Лэчча ва дорас — нимкодьӧй морӧсам тыр дзик, Быттьӧ радлӧ мен — из вылын катласьӧ сырчик. Кежа ыбӧ — сэн гӧрсьӧма-кӧдзсьӧма важӧн, Метӧг кывтӧма тулысыс страднадыр гажӧн. Тӧдса кыр йылысь толаыс исковтӧм метӧг, Бара туӧмӧн туӧ веж туруныс сэтӧн, Выльысь вотӧдзныс бушковъяс пышйӧмны татысь, Шонді югӧръяс локтӧны тӧдчымӧн матысь. И кор мамӧлы юкмӧсысь васӧ ме лэпта, Оз ков, майбырӧй, чуньясӧс шонтыны зептам. Кизьӧр тшын кайӧ асывнас сигӧрным весьтӧ — Оз ков, тӧлын моз, вит моздор пыртлыны пестӧ. Ном тан корсюрӧ лӧг петтӧдз дӧзмӧдлас кӧть и, — Тані чужанін менам, — а сійӧ век ӧти. Сійӧ колӧ мен, колӧ. И ме сылы кола. Сӧмын пырджык тай гожӧмын сэтчӧ ме вола.
Гижӧд
Сійӧ колӧ мен, колӧ...
Жанр: 

lkejrlkelkrgner klrjnelknfrkl ekjnrjkenfrej

1