ТУРӦБ, ТУРӦБ...

Турӧб, турӧб — помтӧм-дортӧм — 
Тупкис енэжыслысь от.
Пукала аэропортын — 
Видзтӧ кад Аэрофлот.

Кӧнкӧ виччысян тэ менӧ,
Ассьыд питӧ, дона мам.
Ачыс менӧ кадыс венӧ,
Турӧб — лов вылысь оз ям.

Он век, кытчӧ кӧсъян, веськав,
Кӧні менӧ виччысь эм.
Тэнад эскӧмӧн ме эска:
Коркӧ бара лоа сэн,

Кӧні зарни челядь дырӧй
Чойсӧ паныд оз нин кай,
Кӧні важ бур йӧзыс бырӧ,
Выль бур йӧзлӧн сӧвмӧ май,

Кӧні луныс, кӧні войыс
Ӧтмоз пӧртмалӧны син,
Кӧні шудыс, кӧні дойыс
Сьӧлӧмлы оз сетны ин.

Но, а тані турӧб этшыс
Муртса керкасӧ оз ну.
Эстӧн еджыд, сэтӧн еджыд — 
Кӧн тан енэж, кӧн тан му?

Туйын, дерт нин, абу гортын,
Эськӧ кадсӧ весь эг лот.
Пукала аэропортын — 
Видзтӧ кад Аэрофлот.