МЕД СӦМЫН ДЗОРДЗАЛІН ДА ОЛІН

Кузь лунтыр кылӧ лэбач гор,
Тыр ӧдӧн асьсӧ Изьва нуӧ.
Мед ыджыд радлуныд оз ор,
Веж паськӧмасин, чужан муӧй.

Мый морт ме татчӧсса да ас — 
Ог кут нин дӧнзьӧдмӧныс дольны.
Тан сулала нин, гашкӧ, час:
Ог вермы татчӧсінсӧ кольны.

Ог бӧръяысь на татчӧ во,
И радлун поздысьӧма лолам.
И ме ӧд коркӧ ог жӧ ло,
Тэ, менам шаньӧй, зато лоан.

Яр гожӧмӧн тэ ӧні тыр,
Но гожӧм — сӧмын юкӧн волӧн.
А кӧсйӧм-сиӧм ӧти пыр:
Мед сӧмын дзордзалін да олін!