ЧУЖАНІНӦЙ МЕНАМ — ИЗЬВА 
Лёкыс вунӧдны эз отсав, — Эн ӧд вунлы, эн. Мӧдлапӧвсянь, самолётсянь, Тыдалан тэ мен. Тӧдтӧм водзын моз ог падъяв, Ачыс шӧпкӧ вом: «Кывтыд Ягвыв, катыд Ягвыв, Нӧшта-й Катыдпом»... Кывсьылін и кывсян йӧзас, Асшӧр ним он веж. Изьва юыслы тэ тьӧза, Важ моз пыкан креж. Тэнӧ аддзывла кӧть шоча, Век на тай со, ас. Бара пета тэныд воча, Тэнад изьватас. Шуа ышловзьӧмӧн:«Видза! Видза!» — шуа тэд. «Лок видза!» — мен вочавидзан, Бокӧ ог мун мед. Эг став кӧсйӧмӧс кӧть збыльмӧд, Эг и янӧд юр... Аслад важнад, аслад выльнад Тӧдлін лёк и бур, Дырнад праздниксӧ и мудзсӧ Тӧдлін лыд ни тшӧт. Оз на быдтор кӧ тэд судзсьы — Кӧрит менӧ тшӧтш. Дзик став бурсӧ, мый эм лолам, Лёк вылӧ ог видз. «Кытысь инӧ, зонмӧ, лоан?» — Юавлӧны сідз. Воча кывйӧй аслас визя, Сійӧ ӧти дзик: «Чужанінӧй менам — Изьва, Нёльсё вося сикт».
Гижӧд
Чужанінӧй менам — Изьва
Жанр: 

lkejrlkelkrgner klrjnelknfrkl ekjnrjkenfrej

1