СЫЫСЬ, ЭЖВАӦЙ, РАДЕЙТА ТЭНӦ

Уна тэ йылысь сьывсьӧ,
Сьывсьӧ тан, сьывсьӧ сэн.
Козин пыдди и ме сьыланкывсӧ
Нӧшта ӧтиӧс козьнала тэн.
Тӧдлін гаж, тӧдлін дой,
Парма юяслӧн чой,
Тэнӧ аддза — 
И бара ме збой.

Нэмъяс вомӧныс кывтан,
Тэ и важ, тэ и выль.
Вӧльнӧй гыясыд ворсӧны кытӧн,
Сэтӧн вынйӧрыд петкӧдчӧ збыль.
Тӧдлін гаж, тӧдлін дой,
Парма юяслӧн чой,
Кыптӧ лолӧй
И вынсялӧ сой.

Эсті кывті и каті,
Шудтӧг туйӧ эг пет,
Кымын керӧс со зымвидзӧ татӧн,
Йӧзлы ылӧджык тыдаліс мед.
Тӧдлін гаж, тӧдлін дой,
Парма юяслӧн чой,
Ыджыд радлунсӧ
Сьӧлӧмӧ кой.

Ог и сюйсьы тай венӧ — 
Менсьым збоймӧдін борд.
Сыысь, Эжваӧй, радейта тэнӧ,
Мый и менам тан тырмымӧн ёрт.
Тӧдлін гаж, тӧдлін дой,
Парма юяслӧн чой,
Менӧ нимкодьӧд вай
Лун и вой.