ПЫР СЬӦЛӦМӦ, ОКТЯБРЬПыр сьыланкывйӧн сьӧлӧмӧ, Октябрь, Пыр Ышӧдысь пӧсь сьыланкывйӧн, Мед уджач мортыс некытӧн эз ляб, Мед сійӧ кыліс вӧлясӧ, эз кыйяв. Пыр кыпыдлунӧн сьӧлӧмӧ, Октябрь, Пыр Тышӧ корысь кыпыдлунӧн, Мед нырсӧ лэдзыштас, код тшап, Мед юрсӧ лэптас, коді шудлань мунӧ. Пыр кумач рӧмӧн сьӧлӧмӧ, Октябрь, Пыр Правда тыдӧдысь би рӧмӧн, Мед колан лӧгӧн пузьӧ бӧръя раб, Мед пытшкас ӧти правда пессьӧ сӧмын. Пыр ыджыд мичӧн сьӧлӧмӧ, Октябрь, Пыр Мортӧс шонтысь зумыд мичӧн, Мед войсӧ асыв зырӧ сэн и тан, Мед тэӧн панӧм вежсьӧм ставлы вичмӧ.
