ГЛАШУК

А сыӧдз Глашук виччысис на век,
А сыӧдз сійӧ эз на воштыв надея.
И радысла, и шогла бӧрддзис сэк,
Кор первой мирнӧй юӧр вайис радио.
Дзик некор сылӧн жӧникыс оз лок.
Оз колльӧд сэсся некор кильчӧ дорӧдзыс.
И Глашук вӧлисти эз вермы дзебны шог —
Ас, медводдза, пӧсь радейтчӧмкӧд торйӧдчис.
Сэн, Рытыввылын, кусі война би,
Но ӧграліс на пӧимыс ныв морӧсын.
Ӧд дойсьыс мукӧд мортыд лэдзлӧ ки,
Ӧд дойыс личкис сьӧлӧмӧ штык дорышӧн.
Ак, кутшӧм вӧлі шондіа сэк тан!
Йи дзажгис-кывтіс.
Глашук юлань восьлаліс
Да чышъян помнас чышкис вазьӧм бан,
А чышъянсӧ ӧд жӧникыс на козьнавліс.