СЕТУНЬ Ю ДОРЫН
Подмосковьеын, Сетунь ю дорын, Лым ас синвасьыс сьӧдасис кор, Усис дум вылӧ менам Печора, Воысь юсьяслӧн сы весьтын гор. И эз прӧста: лӧз енэжас тан со Юсьяс шлывгӧны. Шондіыс яр. Мулысь шоръясӧн вундалӧм бансӧ, Подмосковьеса лӧзалысь яг Юсьяс аддзисны бордъясныс улысь, Кыті ветлӧдліс долыдмӧм тӧв. Тулыс... Войвылӧ восьлалӧ тулыс, Мулӧн чужлӧмсянь кымынӧд пӧв! Войвыв... Юсьяслӧн сэн чужаніныс. Первой луч, первой зэр, первой шы... Эз мӧй сэн, югыд ты берег дінын Лигыш эжӧрыс сай налы кы! Лэбӧй, бордъя землячкаяс менам. Гортӧ вотӧдз и мен абу дыр. Регыд йи Кырув юкмӧссӧ сэні Нуас морелань жугласигтыр. Юкмӧс дорас кык веха — кык коз сэн. Ю — кыз йи улын пӧраӧдз рам. Гашкӧ, талун нин бӧръяысь даддьӧн Паськӧм пожъявны лэччӧдіс мам! Юсьяс кывтісны. Аддзи ме мусянь: Тэрыб бордъяссӧ некод оз дом. Ӧвтчӧ чут кодь нин бӧръяджык юсьыс, Быттьӧ мамӧлӧн выль чышъян пом.

lkejrlkelkrgner klrjnelknfrkl ekjnrjkenfrej