СЭКИ...

Рыт лыддьӧдліс красногвардейскӧй штыкъяссӧ,
Матросъяс дінӧ жмитчис арся рытыс.
И кажитчис, мый штыкъяс сэки пыкасны
Тшӧтш енэжсӧ, сук войыс лэччас кытысь.

Неваным аслысногӧн сэки шыаліс.
Зэв дыша кусіс рытъя кыа — сійӧ
Эз тӧд, мый сійӧс вежысь асъя кыалы
Выль олантуйнас петкӧдчас Россия.

Кык кыа костсӧ юковтіс «Авроралӧн»
Пӧсь лыйӧмыс — и кыліс сійӧ ылын.
И сэксянь лыйӧм шыыс эз на оравлы:
Век унджык сьӧлӧм садьмӧ Му шар вылын.