КОР КАЙӦ ТРУБАЯСЫСЬ ТШЫН
Кор керка трубаясысь тшын Лӧнь асывводзын кайӧ, Ми кылам олӧмлысь бур вын, Код ветлӧдлӧ вир-яйӧд. Кузь войбыд йӧжгылясис коз: Дзик едждісны веж кияс. Но, кӧть и лыйсьӧ на мороз, Со бӧрыньтчӧ нин сійӧ. Сэк петук шыкӧд йитчӧ тан Москвалӧн муса гӧлӧс. Сэк локтысь лунсьыс дзебӧ бан Сӧветскӧй герба тӧлысь. Сьӧд тошкас кызӧдігтыр Кир Конюшняӧ сэк мунӧ. Сэк кыйсьысь Рӧдьлӧн шойччан кыр Яр кыа сывйӧ сунӧ. Сэк накӧвальня, бара пым, Лӧз бикиньяссӧ чужтӧ. И дзуртӧ кокъяс улын лым, И юкмӧс-тури ружтӧ. Правленье дорын грузӧвик Кӧрт сьӧлӧм шонтӧ ассьыс. Пӧсь чолӧм тэныд, чужан сикт! Тэд копыр, мирнӧй асыв! Ӧд керка трубаясысь тшын Дзик небесаӧдз кайӧ. Ми кылам олӧмлысь бур вын, А сійӧ радлун вайӧ.
Гижӧд
Кор кайӧ трубаясысь тшын...
Жанр: 

lkejrlkelkrgner klrjnelknfrkl ekjnrjkenfrej

1