***
Аттӧ, вӧрыс! Тӧвся вӧрыс, видзӧд, Кутшӧм зумыш, кутшӧм сійӧ чӧв! Тэ и ачыд нимкодясян сідзи, Быттьӧ ӧнӧдз некор тан эн вӧв. Вӧрыс — збыльысь помасьлытӧм мойдкыв, А ми пырам сэтчӧ гортӧ моз. Миянӧс мед емъяснас не дойдны, Шевгӧдӧма кияссӧ дзор коз. Любӧджык жӧ, тыдалӧ, и сылы, Мый сы дінті довгам лызя йӧз. Тӧдам: енэж, кӧть и вывті вылын, Абу век со талунъя кодь лӧз. Тайӧ сійӧ козинавлӧ слӧтӧн, Тайӧ сійӧ вичмӧдлывлӧ шер. Вӧрыс быдтор тӧдӧ, дерт, оз вӧтӧн, Вӧрыс тӧдӧ олӧмыслысь сер. Кыскӧ сійӧ ас пытшкас век ылӧ, Кӧні ветлӧ-бовъялӧ лӧз ру. Паровоз со кӧнкӧ тутсӧ, кылӧ, Быттьӧ вӧркӧд чуксасьӧ: «Ау!»
Гижӧд
Аттӧ, вӧрыс! Тӧвся вӧрыс, видзӧд!...
Жанр: 

lkejrlkelkrgner klrjnelknfrkl ekjnrjkenfrej