ТӦВСЯ АСЫЛӦ
Вой тӧв омлялӧ лёкысь — Ок и, сё морыд, скӧр! Паськыд войвылас сійӧ Быттьӧ некыдз оз тӧр. Ывла — ӧтторъя турӧб, Но и, колӧкӧ, мед! Аддза, пос помӧ петӧ Менам пӧрысь сусед. Абу куш киа — зыръя. Вывлань видзӧдліс со: Эз-ӧ неладнӧ мыйкӧ Тӧвся енэжкӧд ло? Нинӧм торъяыс — вой тӧв Дуртӧг овны оз куж. ...Дедӧ тэрмасьтӧг вӧчӧ Ассьыс тӧдчана удж. На тэн, вой тӧлӧй, на тэн! Кыті оз ков — эн тол. Пырысь-петысьлы лымйыс Тані дзик ковтӧмтор. Дедӧ шпыньмунлас сӧмын, Сылысь уна он босьт; Сылӧн вӧрасын стӧчлун. Сылӧн видзӧдлас — ёсь. Лымйыс бӧрыньтчӧ, чинӧ: Зырӧ сійӧс сусед. Сійӧ сибавны любӧй Нелючкилы оз сет. Меным долыд, мем нимкодь, Мый сусед татшӧм эм. Сыкӧд шудаджык овсьӧ Тшӧтш и свет вылас мем.
Гижӧд
Тӧвся асылӧ
Жанр: 

lkejrlkelkrgner klrjnelknfrkl ekjnrjkenfrej

1