СЛАВАРоссиялысь тӧдӧны слава Йӧз муясын оз ӧти нэм. Мый сэтшӧмыс ылі Полтава — Швед паметьын ӧні на эм. Бур сьӧлӧмӧн овны век колӧ. Ог грӧзитӧй некодлы, но И ӧлӧдан кыв пыдди олӧ Кодсюрӧлы Бородино. Враг водзын эз усь Севастополь — Бур олӧм сэсь враглы эз сюр. Оз, сьӧлӧм оз прӧстӧ сідз топав, Кор казьтыштам ми Порт-Артур. Важ туй кузя сӧмын ог довгы, А паметьлӧн ас пӧлӧс суд. Сувт син водзӧ, миян Каховка! Збой ловъяс плацдармнад тэ сувт! Эз олӧм, а смерть шы тан лӧвтіс: Лӧз Волганым тӧдліс лёк кад. Но дзорлунсӧ ас вылысь чӧвтіс Да бӧр лоис том Волгоград. Тэ, славаӧй, сӧмын мӧй косьын Россиякӧд тӧдмасин? Эн! И уджын тэ миянлы воссин. И праздникыс лӧсялӧ тэн.
