БЫРАС И МУ ВЫЛАС ЁГЫС
Кодлы нӧ йӧзӧдзыс мог… Быдӧнлӧн аслас ӧд олӧм. Радлун и майшасьӧм, шог — Быдторйыс виччысьтӧг волӧ. Виччысян быттьӧкӧ шуд: Мыйлакӧ бергӧдчӧ бокӧн. Лӧгсӧ кӧть пӧттӧдз верд-уд, Тэнӧ век лыддьӧ на лёкӧн. Верман кӧ, ас тырнад ов, Йӧз йылысь эн сёрнит уна, Кыпавлас аслад на лов, Кодлыкӧ шань кыв кӧ шуан. Кодлы нӧ йӧзӧдзыс мог… Завидьлӧн вирыс век пуӧ, Сійӧ ӧд йӧз пӧвстын ёг, Вӧрса моз жуӧ и жуӧ. Асьсӧ тай сӧмын оз тӧд, Асьсӧ ӧд зэв бурӧ пуктӧ. Сы кодьыс абу на мӧд, Лёк сёрни йӧз йылысь суктас. Некодлы эн вӧч тэ лёк, Бергӧдчас асланьыд сійӧ, Весиг и шаньыс оз лок, Лёкыскӧд оз на киась. Кодлы нӧ йӧзӧдзыс мог… Лёкторъяс вӧчӧ ӧд лӧгыс. Сы вӧсна Енмыс оз шог, Бырас кӧ Му вылас ёгыс.
Гижӧд
Бырас и Му вылас ёгыс
Жанр: 
Гижан кад: 

lkejrlkelkrgner klrjnelknfrkl ekjnrjkenfrej