ПӦТӦСА ОЛӦМ
Пуксис ӧд пӧтӧса олӧм, Лавкаын быдторыс эм, Мый сӧмын аслыд и колӧ… Татшӧмыс эз вӧвлы нэм. Мед вӧлі зептад век сьӧмыд, Тшыгйӧныд талун он коль, Шогӧдӧ корсюрӧ сӧмын, Сьӧмыд тай зептад оз коль. Олӧма йӧзыдлы сьӧкыд, Пенсия тырмӧ кӧ, бур, Шедлӧ кӧ доз тыра нӧкыд, Ньӧбан и лавкаысь нур. Важ моз ми тшыгйӧн ог олӧ, Тӧдам ми олӧмлысь дон, Тӧжд-нокысь кӧть ми ог полӧй, Повзьӧдлӧ нянь-совлӧн дон. Вузӧслӧн дон быд лун содӧ, Сійӧ тай оз на и чин, Пенсия гежӧда содӧ, Мед кӧть на бара оз чин. Олам ми сиктын зэв рама, Оз кывсьы чинакӧд тыш, Чинаыд — сійӧ зэв сяма, Миянлань бергӧдӧ мыш. Паныд ми чиналы полам Шуны веськыда кыв, Тадзи и шы ни тӧв олам, Миянӧс некод оз кыв. Озырлы овсьӧ зэв бура, Ставӧн ми — грабитӧм йӧз, Озырлӧн зептыс век тыра, Гусялӧм сьӧмыс ӧд сӧс. Озырыд, чинаыд — вокъяс, Пӧрйӧдны йӧзтӧ эм сям, Пычкӧны йӧзыслысь сокъяс, Горшлуныс налӧн оз ям. Пуксис ӧд пӧтӧса олӧм, Татшӧмыс водзті эз вӧв, Сӧмын ме мыйлакӧ пола: Бырас бӧр нурйыд и йӧв. Кыпӧдны бӧр бара колӧ, Эновтӧм, эжмӧм му-видз, Некодлысь нинӧм эн корӧй. Енмӧй, гӧльлунысь видз.
Гижӧд
Пӧтӧса олӧм…
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1