* * *

Ме — Коми мулӧн ныв.
И мыйла мен Кавказ?
Но сьӧлӧм небзис-сыв,
Дай гӧраясыс — тас.

Ме — Коми мулӧн ныв.
Мыйла мен Сьӧд саридз?
Тан комиӧн он сьыв,
Эз мусмы лунвыв дзоридз.

Ме — Коми мулӧн ныв,
Но йӧз муын ӧд олі.
Но лӧгыс тан эз кыв,
Ми ӧтсӧгласа олім.

Ме — Коми мулӧн ныв,
Эз мусмы лунвыв саридз,
Кӧть комиӧн эг сьыв,
Эз вун и войвыв дзоридз.

Син водзын — еджыд кыдз
Век чужан муӧ корӧ,
А енэжын со джыдж
Сьылӧ зэв и нора.

Дзик нинӧм тан оз кут:
Ни кипарис, ни пальма.
Ас муын аддза шуд,
Мен  муса войвыв парма.

Йӧз муын, гашкӧ, бур,
Аслад гортын — кыпыд.
И зэв на ӧд и бур,
Гортад гожся рытыд.

Ме — Коми мулӧн ныв,
Дай чужанінын ола,
Тан юргӧ коми кыв,
Ме чужан мулы кола.