* * *
Бурмыштіс тай миян олӧм, Кӧть ог вӧдит видз ни му. Сьӧкыд уджысь ог нин полӧй, Джодж чышкӧмтӧ ог нин шу. Пылесосыс буссӧ кыскас, Кыз рушкуыс оз тай пӧт. Машинаыд паськӧм мыськас, Олӧмным тай — мойд ли вӧт. Чудӧ-машинаыд тӧлка, Песлалӧмсӧ косьтас на, Но ӧд белльӧсӧ кӧ ӧшлас, Сэки олӧм — нач нин ма. Патераӧ локтӧ ваыд: Кӧдзыд эм, и пӧсьыд эм. Оз нин сьӧдӧд пывсян саыд. Тадз кӧ эськӧ вӧлі нэм. Биа руыд шыдтӧ шонтас. Оз ков дасьтыны и пес, Оз нин ковмы тані ломтас, Биа сартас он нин пест. Батарея жыртӧ шонтӧ, Коркӧ овлӧ зэв и жар, Жилкомхозыд куляс сьӧмтӧ, Сійӧ сьӧм вылад зэв яр. Бурмыштіс тай миян олӧм, Гортын ола быттьӧ гӧсьт. Мый нин эськӧ ӧні колӧ… Меным ставыс шоныд-пӧсь.
Гижӧд
Бурмыштіс тай миян олӧм...
Жанр: 
Гижан кад: 

lkejrlkelkrgner klrjnelknfrkl ekjnrjkenfrej