ӦТУВ ПОЗ
Ӧтув позйыд ӧтув поз и эм, Гозйӧдчӧны-быдтысьӧны сэні, Оланіныд муса овлӧ нэм, Став сьӧкыдсӧ гозъя ӧтув венӧ. Бать-мамыдлы — тайӧ век жӧ шог, Петӧны кор позйысь быдмӧм челядь, Йылӧм вӧсна оз жӧ чин и нок, Натӧг овны некыдзи он велав. Ӧтув позйыд — аслыд медся бур, Гортад стенъяс отсасьӧны быдсӧн. Аслад гортын — чӧскыд сур и нур. Позйыдлысь тай вӧдитан и гыдсӧ. Керка видзан уджыс — юр выв тыр: Кыккирудз ӧд пукавны он эшты, Дзоньталан и пелькӧдан быд жыр, Водзӧвылӧ уджсӧ он на вешты. Нимкодь, кодыр керкаыд нач куд, Югыдінад аслыд зэв и долыд. Татшӧм позйын олӧ сӧмын шуд, Кокньыда и ветлӧ тані лолыд. Ӧтув позйыд ӧтув поз и эм, Топыд муслун сэні мед жӧ олӧ. Ӧтув позтӧ колӧ видзны нэм, Ӧтвылысь и шудтӧ видзны колӧ.
Гижӧд
Ӧтув поз
Жанр: 

lkejrlkelkrgner klrjnelknfrkl ekjnrjkenfrej

1