МОЗЫНУдоралӧн — медшӧр ю, Сылӧн нимыс Мозын, Ичӧт чойыс — важног Ву — Шусьӧ Вашка вожӧн. Мозын, Мозын — миян ю — Лӧнь да сӧдз, зэв мича. Сылысь бурлун, вежа ру Сьӧлӧмын ми видзам. Лыдтӧм-тшӧттӧм уна ёль Тайӧ юӧ усьӧ, Гӧльӧн сійӧ оз на коль, Мозынӧн кӧ шусьӧ. Вӧлі шуда парма-вӧр, Мыла сьылан сьыліс, Коркӧ вӧрыс тан эз тӧр, Озырлуныс сылі. Воис сэсся мустӧм кад, Гӧльмис юным миян. Эскам, пуксяс, гашкӧ, лад, Озырмас бӧр сійӧ. Нюръяс пӧлӧн, вӧръяс пыр Писькӧдчӧ на юным, Сылӧн эбӧс мед оз быр, — Шогсьӧ чужан муным. Олӧны тан зэв шань йӧз — Уна кывъя котыр. Ставлы радӧсь комияс — Вежавидзысь войтыр. Мед жӧ быдӧн пуктас пай Мозын дорйӧм вылӧ. Сійӧ — миян мам и ай. Сылысь дой вай кылӧй. Мед жӧ миян Коми му Юлысь шогсӧ кылас. Мед жӧ муса войвыв ю Выльног сьылан сьылас.
