Полиграф


Коді сюсь, а коді гусь,
Тайӧс тӧдны колӧ.
Юрыд, гашкӧ, оз на усь,
Мудера кӧ олан.

Но ӧд эм на полиграф,
Сійӧ быттьӧ тӧдысь:
— Чина пӧвстын коді враг?
— Коді ылӧг рӧдысь?

Эрдӧдас пӧ полиграф,
Кодлӧн пиньыс зяткӧ,
Чина мортӧс суас штрап,
Босьталӧ кӧ взятка.

Полиграфыд абу йӧй,
Эрдӧдас и дыштӧ,
Чина куӧ оз на вӧй,
Техникатӧ мыждӧ.

Полиграфыд джӧмдас-чӧв,
Чина эз ло мыжа.
Кытчӧ оз ков, эн вай сӧв:
Чина — пиня-гыжа.

Полиграфыд вӧлӧм жеб,
Чинасьыд тай полӧ,
Ыджыд чиналӧн — кыз зеп
Техникалы сорӧ.