УДАРНӦЙ УДЖ
1. Из гӧра чашйӧ, жуглӧ Ударнӧй удж. Гӧрд сьыланкывйӧн жургӧ Ударнӧй удж. Удж миян — доблесьт и почёт, Быд шахта, фабрик и завод, Вӧр-яг, колхоз, быд кар, быд сикт И трактор гор, Пыр сьылӧ ставыс ӧтитор: Плантӧ тырт! Плантӧ тырт! Программа партиялысь тырт! Быд лун, быд час плантӧ тырт! 2. Быд Днепрогэслӧн выныс — Ударнӧй удж. Быд выль гигантлӧн тшыныс — Ударнӧй удж. Буржуй пыр пӧльтӧ выль война — Спокой оз сет Сӧвет страна, Но миян сталь, из шом и вӧр Оз врагӧс лэдз, Сӧветскӧй му вылӧ оз лэдз. Чорзьӧд вын! Чорзьӧд вын! Винтовка киысь мед оз мын! Быд лун, быд час оз мын! 3. Вӧр-ягын тӧвбыд кылам Ударнӧй удж. А талун — пуръяс вылын Ударнӧй удж. Вай, ёртӧй, тэрмась, кадыс скӧр, Ударнӧй ӧдӧн кыпӧд вӧр — Лотовка, пур, кӧть ӧтка моль Эн косӧ коль! Ньӧти кер эн косӧ коль! Ставсӧ ну! Ставсӧ ну! Программа партиялысь ну! Быд лун, быд час вай ну!
Гижӧд
Ударнӧй удж
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1