ТИТАНЛӦН ӦЛӦДӦМСьӧд океан шӧрын кыптӧ из гӧра, Скӧралӧ сьӧд океан: Мурзӧмӧн грӧзитӧ, гӧра мед пӧрӧ, Но сійӧ — ыджыд Титан: Кавшасьысь валъяскӧд водзсасьӧ збоя — Туша ни подув оз вӧр. Море кӧть зырӧдлас лёкысь прибойӧн — Весьшӧрӧ! — шливмунас бӧр. Гӧралӧн вынйӧрыс мойдын моз содӧ, Пӧртмасьӧ чужӧмбан сер, Став океан вомӧн вуджӧрыс водӧ, — Гӧра ним — СССР. Джуджыд ёсь чурк йылас дзирдалӧ сэні Син ёран гӧрд кодзув пас, Тӧвзян гӧрд знамяас ыпъялӧ «Ленин», Югъялӧ — дзирыд алмаз! Вылын нин яр биӧн ӧзъялӧ кодзув — Югӧрыс сылӧн оз берд, Из гӧра зумыда кыпӧдчӧ водзӧ, Чорзьӧдӧ ВКП(б). Весьшӧрӧ морелӧн ызгӧмыс кылӧ, Весь нӧйтӧ креж бердӧ вал: Гӧра оз пов сыысь — кыпыда сьылӧ Гимн «Интернационал».* * *Мунам Октябрсянь дас сизимӧд во. Мӧд пятилетка выль ӧдъясӧн вуджам. Социализм тэчны вермам и кужам, — Медтыкӧ ортсысянь локтӧм эз ло. Партия восьтӧ дас сизимӧд съезд. Перйӧма вермӧмъяс — вежӧрад тангас! Пӧртсьӧны олӧмӧ миян став планъяс, — Ставыс ударнӧй удж — доблесьт да чесьт! Квайтӧд пай Му шарлӧн — СССР Петкӧдлӧ мирыслы шензяна ӧдъяс, — Капитализм весиг эз аддзыв вӧтнас! — Социализм вӧчны сетӧ пример. Ортсы политика туй визьыс чорыд, Некутшӧм сила оз кусыньт, оз орӧд! Вӧзйӧ став мирлы дас сизимӧд во: — Оламӧй мирӧн, война мед эз ло! Эмӧсь на врагъяс сӧветскӧй му гӧгӧр («Другӧн» буржуйлы Сӧвет, дерт, оз ло), Кашкӧмӧн пӧльтны война би гӧгӧр, Мырсьӧны тадзи дас сизимӧд во. Сюйсьӧ Япония Дальнӧй Востокӧ, Кӧсйӧ Сӧвет муӧ нюжӧдны кок: Быд провокация лӧсьӧдлӧ-нокӧ, Тэрмасьӧ олӧмӧ пӧртны пеж мог. Оз нин тӧд этшсӧ германскӧй фашизм: Кутчысис бырӧдны-сотны марксизм, Ойдӧдіс мусӧ рабочӧйяс вирӧн, — СССР вылӧ пиньсӧ тшӧтш йирӧ. Уна странаын на вӧчӧны планъяс — Мырддьыны, косявны миянлысь знамя. Врагысь ог полӧ ми, мед сідз оз ышмы! — Рӧсплохӧ миянӧс сійӧ оз босьт! Видзӧдам — сюсьлунным миян эз ныжмы: Велӧдчим-вуджим ӧд ён олӧм кост. Война ми некодкӧд асьным ог панӧй, Водзсасьны быд здук страна миян дась! Кодкӧ кӧ кыпӧдчас миянлы паныд — Тӧдас мед: пыркнитам, жугӧдам — пась! Кывъясас абу военнӧй угроза — Кылӧ сэн збыльвылӧ чорыд сигнал: Ковмас кӧ, сувтам сэк ставным ӧтмоза — Век кежлӧ чергӧдчас звер-капитал!* * *Сьӧд океан шӧрын кыптӧ из гӧра, Эралӧ скӧр океан. Весьшӧрӧ кавшасьӧ — гӧра оз пӧрӧд: Сійӧ ӧд ыджыд Титан!
