УДАРНӦЙ ТУЛЫСЛӧсьӧдчам ударнӧй ног Гырысь кык удж вӧчны: Вӧр кылӧдны — ӧти мог, Мӧдыс — гӧрны-кӧдзны. Припев: Мырсьысь войтыр, зіля вӧр! Эй, ударник, сет пример, Тышкась воддза радын! Важӧн шыбитім пу гӧр — Радлам трактор горӧн! Колӧ, колӧ уна вӧр — Став страна вӧр корӧ. Припев. Кӧйдыс тырмидз миян дась, Кӧдзтӧм му ог кольӧ! Лэдзӧм вӧрсӧ нуам тась Лотӧн, пурйӧн, молльӧн! Припев. Быд колхоз — ударнӧй полк, Быд бригада — рота. Враг-кулак мед удж эз торк, Вужсӧ сылысь сотам! Припев. Эштӧ кӧдзӧм, кывтӧ вӧр, — Уджсьыс сьӧлӧм бурмӧ! Тувсов кадлӧн ӧдыс скӧр, Уджсӧ босьтам штурмӧн! Припев. Быдтам мича урожай, Лӧсьӧдам коммуна! Сыркӧдӧ Сӧветскӧй край — Коммунизмӧ мунӧ. Припев.
