ӦТВЕТЫН МИ


Заводъяслӧн пытшкӧсыс удж шумӧн тыр,
Рабочӧйлӧн сьӧлӧмыс тӧждысьӧ пыр.
	 — Вай, ӧтувтчам, ёртъяс,
	Бригадаӧ ми,
	Ӧд асланым власьт вӧсна
	Ӧтветын ми!
Лёк вирсера вуджӧръяс шӧйтӧны пыр,
Сӧветскӧй граничаӧд сюйӧны ныр.
	 — Вай, ӧтувтчам, ёртъяс,
	Бригадаӧ ми,
	Ӧд асланым власьт вӧсна
	Ӧтветын ми!
Став мирыс ӧд видзӧдӧ миянлысь удж,
Ог личӧдлӧй ӧднымӧс ми весиг сутш.
	 — Удж торкысьяс, вешйӧй,
	Эн веглясьӧй ті!
	Ӧд асланым власьт вӧсна
	Ӧтветын ми!