ЫДЖЫД ОКТЯБР


Паськыд му вылын нимкодя сьылам,
Бура казьтылам мездысян лун.
Долыд сьӧлӧмӧн вӧльнӧй му вылын
Ошкам шондіӧс моз Октябр лун.
Дас нёль во миян власьт, миян сила,
Дас нёль во дорам социализм.
Ленин знамяӧн восьлалам зіля, —
Гӧрд Октябрлӧн туй пом —
					коммунизм.
Сиктъяс каръяскӧд йитчисны ёна,
Збоя мунӧны водзӧ кык вок.
Ӧтув олӧмныс налӧн меддона, —
Ӧтув вынйӧрныс ён, враг оз лок.
Вылын гӧрд знамя ӧзъялӧ миян,
Индӧ чукӧртны вермасян вын.
Мед жӧ му пасьта сявкнитас биӧн,
Регыд гымыштас мед Октябр гым!