ПРИЗЫВНИК


Долыда сьӧлӧмӧй чеччӧ.
Ӧні ме зэв шуда морт:
Кад воис мунны тшӧтш сэтчӧ,
Кӧні гӧрд армеец ёрт.

Ыджыдджык вокӧс ме вежа,
Велӧда военнӧй удж,
Видза сӧветскӧй гӧрд межа,
Враг медым сійӧс эз вудж.

Кыйӧдӧ эС-эС-эС-эР-ӧс
Лютӧй враг, некор оз узь.
Ковмас кӧ ланьтӧдны зверӧс —
Киысь винтовка оз усь.

Выль олӧм стрӧитан кадӧ
Враг водзын сьӧлӧм оз пов.
Нуа Гӧрд Армия радӧ
Ассьым став вынйӧр и лов.