КОМИ АВТОНОМИЯ


Уна нэм зумвидзис, вуграліс,
Вой тӧлӧн тӧлаліс-шуграліс
Парма.

Уна нэм пармаын вуджрасис,
Пемыдын виньгыртіс, гудрасис
Коми.

Комиӧс пыдди эз пуктывны;
Некод эз кивыльтлы югдӧдны
Парма.

Октябрын ыджыд гым йиркнитіс;
Ойбырсӧ тшӧтш сэки пыркнитіс
Коми.

Черӧбтіс, сыркмуніс, лолыштіс,—
Пыдісянь ыджыда лолыштіс
Парма.

Нимаӧсь лоины комияс:
Асланым эм «Автономия
Коми».

Вит воӧн ёна нин восьлалім.
Быдсяма эмбурсӧ восьталас
Парма.

Зіля ми водзӧ пыр гупликтам,
Регыд мед лоас «Республика
Коми».