КЫДЗИ ГРАМОТА ПЕРЙИ
(«Азбуки»)
Аслым вӧлі сизим арӧс, Бӧрдігтырйи кори мамӧс: Велӧдчыны, мися, сет — Грамотнӧйӧн лоа мед. Дырджык кӧ ме гортын ола — Дьӧбӧ мукӧдысь дзик коля. Эльтны быдӧн кутас сэк, — Жуйвидзӧ пӧ гортас век. Джыджвидзны пыр потан дорын, Зуркйӧдлыны бӧрдӧм сорӧн, Зятйӧдлыны чойӧс сэн, — Дзикӧдз вошӧ менам нэм... Инасис жӧ дырӧн сьӧлӧм! Кӧдзыд арын мир туй пӧлӧн Лашикті ме восьтны син, — Личыд-долыд сьӧлӧм дін! Майбыр, мезми потан дорысь! Нокся, зіля книга дорын. Недыр мысти лыддя нин: «Оттше нас», «веков аминь»... Ӧдйӧ грамота мем сетчӧ; Пырӧ юрӧ, ставыс тэчсьӧ, Рочӧн сӧмын нем ог тӧд — Сэтчӧ киссис синва-мӧд... Сьӧкыд сӧвмыны мам кывтӧг, Торксьӧ небыд челядь мывкыд; Тешкодь ставыс, гӧгӧр сьӧд: Урок лыддян да он тӧд.
––––––––
Чужйыштчис роч муса уджалысь войтыр, Шеныштіс нэм кежлӧ лёк сьӧкыд ойбыр. Тшӧтш накӧд пыркнитчис войвылын коми: Ыджыда восьлалӧ сьӧд олӧм вомӧн, Югыдлань ас кывйӧн нуӧдӧ олӧм.
Гижӧд
Кыдзи грамота перйи
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1