ДЗОДЗӦГЪЯС
Дзодзӧгъяс, дзодзӧгъяс! Выліті, выліті, дзодзӧгъяс, лэбзянныд, Мудзлытӧг шоныдлань саридзӧ шывганныд, Ылӧ ті котӧрӧн миянысь мунанныд, Кӧдзыдысь, йирмӧгысь тӧв кежлӧ пышъянныд. Дзодзӧгъяс, дзодзӧгъяс! Ставныд ті бордъяӧсь. Уна му аддзылад Лэбзигӧн саридзад. Майбыръяс дзодзӧгъяс, менӧ тшӧтш кыпӧдлӧ, Олӧмъяс петкӧдлӧ, саридзӧ сибӧдлӧ! Йӧз муяс тӧдмала, долыд-шог видзӧдла, Тіянлы лэбзигмоз шог йылысь висьтала. Дзодзӧгъяс, дзодзӧгъяс! Олам ми, комияс, Войвылын жугыля, Виччысям югыдсӧ... Дзодзӧгъяс сувтлытӧг водзӧ пыр лэбисны, Эз кывны сёрниӧс, шог сӧмын сетісны. Вылысянь, вылысянь нора зэв горзісны. Кынмыны миянӧс бара на колисны. Дзодзӧгъяс, дзодзӧгъяс!..
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1