* * *

Зэв ёна кора, асьнытӧ видзӧй!
Зэв ёна кӧсъя тіянкӧд эськӧ!
Коркӧ да, эска, артмывлас сідзи —
Лэбавны сюрлас му шарыс весьтті.
Зэв ыджыд лача сьӧлӧмын кута —
Вола на коркӧ лунвывса жарӧдз.
Ӧні и сідз на лоа ме шуда,
Вайыштанныд кӧ бутыльын саридз!
Зеп тырныд вайӧй лунвывса сынӧд,
Гашкӧ, мӧд рӧмъяса ӧшкамӧшка.
Найӧс ме дзебла. Му тырас лымйӧн,
Сэк нин бӧр перъя, керкаын ӧшла.

Синъяс мед гажӧдӧ ичӧтик гожӧм.