* * *
Кутшӧм мичаа пасьтасьӧ арыс!— Зарни шебрасӧн вевттьӧ став мусӧ. Содтӧ олӧмын нӧшта на арӧс, Сэсся тӧлыслӧн сывъясас кусӧ. Мунӧ кок шытӧг, медым эг кывлы, А ме аддза да тэрыба ӧвта: «Эн на сет ыджыд вӧлясӧ лымлы!..» — Лӧняс кывъясӧс изъяс моз чӧвта. Пессьӧ морӧсын инасьтӧм сьӧлӧм, Быттьӧ воддза моз дугдӧма тӧрны. Ок, и гажтӧм жӧ кӧдзыдас, вӧлӧм! Эськӧ лунвывса лэбачӧ пӧрны!.. Эськӧ шевкнитны бордъяс да сывны Кокни лым чирйӧн енэжлӧн йирас... Сӧмын сетӧма мӧд нога сьывны — Кольны арсяӧн лолӧн и вирӧн.
Гижӧд
Кутшӧм мичаа пасьтасьӧ арыс...
Жанр: 

lkejrlkelkrgner klrjnelknfrkl ekjnrjkenfrej

1