* * *

Мед лоны мортӧн, унатор оз ков,
А медводз, сӧвесьт серти колӧ овны
Да мездӧдны став лёксьыс ассьыд лов,
И тэныд сэсся нинӧмысь нин повны.
Тэ лоан вына, но он кабыр зэвт,
Ӧд выныс — сійӧ тэнад сӧстӧм мӧвпыд.
Тэ сьӧлӧм битӧ орччаыдлы сет,
И сӧмын бурсӧ сиӧй ӧта-мӧдлы!
Пыр аттьӧав быд тэныд сетӧм лун!
Да отсав ёртлы, водзӧс нинӧм кортӧг.
И кыпыд руӧн аслад туйӧд мун.
Зэв этша колӧ, медым лоны мортӧн.