КОДЗУВКОТКАР


Муртса коли ӧти ар,
Коз пу улын быдмис кар.
Гӧгӧр ставыс пельк да мича,
Татшӧм карсӧ аддзан этша,
Сэні олӧны оз кодкӧ,
Стӧчджыка кӧ, кодзувкотъяс.
Найӧ — зіль да уджач войтыр,
Ӧтув олысь ыджыд котыр.

Кодзувкотыс пуӧ-жуӧ,
Сідзкӧ, карын уджыс пуӧ.
Аддза, некод весь оз ов,
Дышалысьыд тан оз ков.
Оз тай тыдав уджтӧмалысь,
Абу сідзжӧ и кодалысь,
Уджыс карын юр выв тыр,
Сійӧ некор тан оз быр.

Сӧвмӧ-быдмӧ мича кар,
Сідзкӧ, сэні тӧлка сар.
Мый нин сэсся татчӧ шуан?
Сӧмын кывкӧртӧд и вӧчан:
— Тайӧ карын моз кӧ олім,
Коммунизмын важӧн вӧлім,
Ӧтув, тӧлкӧн кӧ ми зілим,
Ӧні, гашкӧ, сӧмын сьылім.

Олан сямным оз кӧ тырмы,
Гӧля овны ковмас дыр на.