* * *


Коми му кузя ме муна,
Гӧгӧр кушин: гиль да голь,
Вӧрыс вӧлі коркӧ уна,
Ӧні джынйыс нин эз коль.

Кӧрт туй кузя нӧрыс мунӧ,
Тюргӧ-мунӧ биа руным,
Изшом, мусир ылӧ мунӧ,
Коми мортлы оз во нинӧм.

Важ моз сиктын гӧля олам,
Эз коль юын сир ни ком,
Тадзикӧн кӧ водзӧ лоӧ,
Коми мортлы воас пом.

Челядь сёрнитӧны рочӧн,
Оз нин тӧдны коми кыв,
А ме век на кута лача,
Оз жӧ быр ӧд чужан кыв.

Воӧм йӧзыс озырмӧдчӧ,
Эм машина, эм и дача,
Коми мортӧй, мый нин вӧчсьӧ?
Кор нин озырман тэ ачыд?

Нэмтӧ мырсин, нэмтӧ керин,
Озырлунтӧ эн и чӧж,
Тэныд эськӧ бур патера,
А тэ ломтан пач во чӧж.

Коми му кузя ме муна,
Меным шуштӧм, ме ог сьыв,
Коми мортӧй, колӧ шуны
Став мир пасьта ассьыд кыв.