ЗАРНИ АР

Уна рӧма сарапана Ыджыдалӧ зарни ар. Тайӧ кадыс виччысяна, Луныс шоныд, абу жар. Шонді нюмъялӧ на, ворсӧ, Сьӧлӧм вылын меным бур, Вуджала на кыддза рассӧ. Сэсянь матын ыджыд нюр Вӧччыштӧма войвыв парма, Нач нин ичмонь, авъя, том, Сэсся вола вӧрас кор на... Зарни арлы воас пом. Арся вӧр-ваыс зэв мича, Янсӧдчыны сыкӧд жаль, Верма кӧ ӧд, сылы мычча Дзоридзьяса шӧвка шаль. Кыдз пу дорын ог нин шогсьы, Пувсӧ вӧрсьыс ог нин корсь, Гортын талун ог жӧ ноксьы, Юа пувъя чӧскыд морс. Кыдзлӧн вижа-шеля котыр Йӧктӧ ю дорын кадриль. Зарни арын ӧкмис содз тыр Кывбур чукӧр — ставыс выль.

lkejrlkelkrgner klrjnelknfrkl ekjnrjkenfrej

1