ПОБЕДА ЛУНӦН!

Нелямын витӧд воын, майся лунӧ Мирсӧ ставнас кытшовтіс бур юӧр: Берлин весьтын дӧлалӧ гӧрд флаг, Пидзӧс вылӧ сувтӧма рейхстаг. Диктор Левитанлӧн зарни гӧлӧс Радио пыр шызьӧдіс быд пельӧс. Нэм чӧж юргӧ йӧлӧгаыс сылӧн, Да медся ёна Победа лунӧ. Кӧнкӧ ылі муын батьлӧн вокъяс Братскӧй гуын — узьӧны салдатъяс. Мамлӧн ӧти вок дай сійӧ уси, Врагкӧд тышын сылӧн олӧм кусі. Казьтылам ми найӧс синва сорӧн, А паныдавны позис няньӧн-солӧн. На йылысь, дерт, сёрни уна мунӧ Век ӧти лунӧ, Победа лунӧ. Вӧлӧма па кӧнкӧ миян шудным, Война вылысь воис гортӧ батьным, Но и сылӧн олӧм сідзжӧ ори, Миянӧс тай овны бура корис. Быд во шойна вылӧ дзоридз нуам, Войнаса ветеранлы аттьӧ шуам, Небыд, мыла кывйыс сюрӧ уна Пыр ӧти лунӧ, Победа лунӧ. Ыджыд шогыс суис быд семьяӧс, Кодкӧ писӧ воштіс, кодкӧ — верӧс. Чужан муӧс дорйысьяслы копыр Вӧчӧ ӧнъя ныв-пиянлӧн котыр. Усьӧм воинъяслы памятникъяс дорӧ Майся гажыс войтырӧс со корӧ, Ӧта-мӧдӧс чолӧмалам быдӧн Победа лунӧн. Победа лунӧн!
Гижӧд
Победа лунӧн!
Жанр: 

lkejrlkelkrgner klrjnelknfrkl ekjnrjkenfrej

1