СЕТУНЬ Ю ДОРЫН
Подмосковьеын, Сетунь ю дорын, Лым ас синвасьыс сьӧдасис кор, Усис дум вылӧ меным Печора, Воысь юсьяслӧн сы весьтын гор. Войвыв... юсьяслӧн сэн чужаніныс. Первой луч, первой зэр, первой шы... Эз мӧй сэн, югыд ты берег дінын Лигыш эжӧрыс сай налы кы? Эз мӧй тыыслӧн кокньыдик гыяс Найӧс качайтлы сэн асывводз, Ыбъяс пальӧдіс кор трактор шыыс, Шонді видліс кор мулысь быд содз? Лэбӧй, бордъя землячкаяс менам. Гортӧ вотӧдз и мен абу дыр. Регыд йи кыр ув юкмӧссӧ сэні Нуас морелань жугласигтыр. Юсьяс кывтісны. Аддзи ме мусянь: Тэрыб бордъяссӧ некод оз дом. Ӧвтчӧ чут кодь нин бӧръяджык юсьыс, Быттьӧ мамӧлӧн выль чышъян пом.

lkejrlkelkrgner klrjnelknfrkl ekjnrjkenfrej

1