ПИ

Оз тӧд на, мый дзирдалӧ шонді.
Оз тӧд на, мый котӧртӧ шор.
А мам сійӧс морӧснас шонтӧ.
И муса мен прӧстӧй кыв-вор.

Кор триньӧбтас ӧшиньӧ тӧвру,
Кор туганнас дзуртыштас коз,
Пи вунӧдлас радейтан ӧввӧ
Тыр олӧмас кывзысигмоз.

А сэн, ӧшинь сайын — и юкмӧс,
И ыбъяс, и шпоргысь гӧрд флаг,
И ру, коді войяснас сукмӧ,
И ювывса бакен, и яг.

А тайӧ ӧд Рӧдина сылӧн,
Великӧй законъяслӧн му.
Бур туйясыс нуӧны ылӧ,
Дзик ни ӧти вежас оз ну.

Оз тӧд на, мый ветлӧдлӧ шонді.
Оз тӧд на, мый юргӧ гудок.
Но мам сійӧс морӧснас шонтӧ,
Мед нэм чӧж эз кӧласьлы шог.