БАКЕНЩИК ОРДЫН
Пыжысь чеччыштіс чӧла, Юлысь увгӧм эз кыв. — Ылыс гӧсть тай тан, вӧлӧм,— Ачыс паськӧдіс сыв.— Ноко, сё мокасьт, волы. Видза олан! Москвич! Кыдз столицаным олӧ? Дыр-ӧ кежлӧ? Сідз, сідз... И бур чувствояс видзиг Сыкӧд окасям ми Кыдз кык мужичӧй, кыдзи Чужан мулӧн кык пи. Тошкас — войтъяс веж гылӧн. Чукыр-визьяса бан — Быттьӧ гыяс ю вылын Тӧла лунъясӧ тан. Ӧтчыд аддзысьлан сыкӧд, Сэсся нэмтӧ оз вун. Пестам лышкыда кыкӧн Украинскӧй тютюн. Миян сёрнитанторйын — Чери кыйӧм, бур чай, Стӧч фарватер, мир дорйӧм Дай народнӧй Китай. — Сідзкӧ,— шуӧ,— дзик локтін? Век жӧ кыскӧ ас край? Он кӧ жалит зэв коктӧ, Пырам ме ордӧ вай. Ӧшинь улас важ бакен — Локтысь-мунысьлы пас: «Кӧть ог дружит нин вакӧд, Шойччы, кеж, тэ кӧ ас». Ӧдзӧс томантӧм. Пырам Шоныд вежӧсӧ ми. Пыр жӧ рӧмыдыс бырӧ: Ӧзтӧ би дедлӧн ки. Стенын важмыштӧм карта, Кӧні лыдтӧм лӧз ю, Пач со пельӧсын, сартас. Пыртан пес — юква пу. Войся ю вылын бияс — Татшӧм дедӧлы дон. Ог тӧд, зарни-ӧ киыс, Тӧда: чорыд да ён. Вирыс ворсӧ на сӧнас. Шувгӧ стен сайын яг. Ӧзйӧ тув йылын пӧнар, Быттьӧ содтӧд маяк.
Гижӧд
Бакенщик ордын
Жанр: 

lkejrlkelkrgner klrjnelknfrkl ekjnrjkenfrej