* * *

Чужан сиктӧ локті ме, и бара
Тӧдса йӧзлӧн кылӧ сёрни гор.
Войся ывла ӧвтӧ ыркыд арӧн.
Томлунлы жӧ веськодь, водз ли сёр.

Дзоргӧ бӧбмӧм тӧлысь, кыдзи сёнӧд
Дышиника ветлӧ йӧв кодь ру.
Ставыс тан мен матысса и дона,
Весиг дедлӧн важмӧм юкмӧс сруб.

Ӧшиньясын абуӧсь нин бияс.
Вӧталӧны кыдзьяс арся вӧт.
Ӧд и налысь унсӧ видзӧ миян
Пӧрысь стӧрӧж — местнӧй часӧвӧй.

Чужанінлы киӧс талун мычча.
Арся вой, а сьӧлӧм торъя пӧсь.
Тӧдӧны Печора дорса кыдзьяс:
Ме кӧзяин тані, абу гӧсть.