АРСЯ ВОЙЫН
Арся луныс ӧдйӧн сёрмӧ, Кымӧр улӧ дзебсис кыа. Ланьтіс сиктын ныв-зон сёрни, Ори сьыланкывлӧн шыыс. Том йӧз муртса на со петліс — Ворсанінысь пырӧ важӧн... Арся войяс, мыйла нӧ ті Абу тувсов нога гажа-сь? Быттьӧ неважӧн на сӧмын Ворсіс Эжва эзысь серӧн. Неважӧн на вӧлі шоныд, — Ӧні лун-лун сільгӧ-зэрӧ. Кымӧръясӧн енэж гудыр, Кодзув котӧрӧн оз дзирдав. Оз ворс ывла вылыс шудӧн, Кӧдзыд тӧвру сьӧлӧм йирӧ. Увгӧ кыдз пу дорын вой тӧв. Нетшкӧ кельыд зарни коръяс, Быттьӧ гырысь синва войтъяс Гылалӧны кильчӧ дорӧ. Гашкӧ, сійӧн сьӧлӧм доймӧ, Морӧс пытшкысь гажлун ямӧ, Мыйла нывка менӧ, зонмӧс, Оз нин радейт тувсовъя моз.
Гижӧд
Арся войын
Жанр: 
Гижан кад: 

lkejrlkelkrgner klrjnelknfrkl ekjnrjkenfrej