ВОКЛЫЫджыд чолӧм, менам дона вок, Ылі рытыввывсянь ыджыд воксянь!.. Таво гожӧм, гашкӧ, ог на лок, Но эн шогсьы, ньӧти тэ эн шогсьы. Гожся рытын чужан сиктным рам, Рӧмпӧштан кодь Эжва юным шыльыд... Кӧнкӧ, тарыт миян муса мам Лунвыв йӧрын уджалӧ на зіля. Тӧда: сійӧ, узьны водігмоз, Частӧ гажтӧмсьывлӧ миян вӧсна, Кодъяс эновтісны Шоныд чужан поз, — Коді кытчӧ — муналісны ылӧ. Вӧлім ӧкмысӧн ми — пи да ныв, Но код бордъясьыштӧ, пыр жӧ лэбзьӧ... Кӧть и, вокан, паськыд му шар выв, Олӧм туйсьыд некытчӧ он дзебсьы. Быдмыштан и гӧгӧрвоан сэк, Кутан ачыд корсьны аслыд шудлун. Сӧмын янсӧдчигӧн пӧрысьясӧс тэ Морӧс бердад топыдджыка кутлы. А тэ ӧні сӧмын сьыв да ворс, Налысь сьӧкыдлунъяс гажӧд, личӧд, Вугрась, котрав, Ӧсьникысь мӧс корсь, Эжва кырсянь паракодъяс видзӧд. И мед некор оз босьт тэнӧ шог, И оз нормыв сьӧлӧм тэнад могтӧг, Гашкӧ, таво гожӧм ог на лок, Но быть локта коркӧ, локта.
