ДЕМОНСТРАЦИЯ БӦРЫН
Збоя тувччисны рад бӧрся радъяс, Верстьӧ батьяскӧд нывъяс да пиян... Со и мунісны... Ӧвтчисны флагъяс... Налы бӧрвылас макайті киӧн. Видзи чолӧм ме ыджыд Октябрлы, А со лов вылын быттьӧкӧ Май кодь, Быттьӧ шондісӧ аръявыв кадлысь Кӧдзыд кымӧрыс ньӧти оз сайкӧд. И быд синъясын дзирдаліс нюмыс. Дзик жӧ сідзи, кыдз тулысын сынӧд. Жӧдзис площадьвыв тувсовъя шумӧн, Сійӧ юраліс гажӧн да вынӧн. Кежис медбӧръя рад улич сайӧ, Збоя тувччисны зонъяс да нывъяс. Сталин ёрт йылысь сьылісны найӧ, Сійӧ горӧн жӧ гораліс ывлаыс. Сійӧ горыс мем сьӧлӧмӧдз йиджис... Пыр на ӧвтчӧны флагъяс син водзын, Накӧд мӧд воӧдз прӧщайтчиг, гижи Ассьым сьыланкыв — праздниклы козин. Мыйта морӧсын гыаліс радлун, Мыйта гажлуныс сьӧлӧмсянь петіс — Сеті ставсӧ кӧть ас му том кадлы Тайӧ здук праздник лунся приветӧн!
Гижӧд
Демонстрация бӧрын
Жанр: 
Гижан кад: 

lkejrlkelkrgner klrjnelknfrkl ekjnrjkenfrej