ТУЛЫС

Лун шӧр кад. Дзирдалӧ шонді.
Гажпырысь лым гӧгӧр сылӧ.
Ӧшинюв гож водзын помтӧг
Челядьлӧн ворсӧм шы кылӧ.

Польдӧма юыс йи улын,
Дзольгӧны, бузгӧны шоръяс,
Со ӧд и воис нин тулыс,
Менам дыр виччысянторйӧй!

Тулысӧй! Лов кыптан кадӧй!
Ыліӧдз юралан шыяс!..
Нюмзьӧны, мусаӧсь, радӧсь,
Кокниа пасьтасьӧм нывъяс.

Енэжыс помтӧм ми весьтын,
Лэбачьяс сильгӧны вылын;
Тувсов лӧз енэж кодь сӧстӧм
Тёльгӧм шы челядьлӧн кылӧ.