ЧЕРА МУЖИКЪЯС


1

Кылӧ пармаын
Гажа музыка,
Кер сэн камгӧны
Чера мужикъяс.
Вензис дыр дзор коз,
Лоис сетчыны —
Водіс,— некор оз
Сэсся чеччывлы.
Вӧльнӧй войтырлӧн
Ыджыд силаыс.
Вӧр оз вен некор
Чер да пилаӧс.
Кылӧ гажа зык
Паськыд вӧр пасьта.
Нуӧ йӧз тан кось
Ыджыд план вӧсна.

2

Надзӧн рытывлань
Шонді катовтчӧ.
Тӧвся рытыд тай
Ӧдйӧ матыстчӧ.
Вӧрысь локтӧ йӧз
Рытъя пӧраӧ.
Барак ӧдзӧс дзир
Дзуртӧ гораа.
Найӧ локтӧны
Пила-чераӧсь.
Вирӧн ломзьӧны
Налӧн чужӧмъяс.
Морт кык нормаӧн
Быдӧн тыртісны.
Ыджыд радлунӧн
Пуяс дзуртісны.
Пачын пакталӧ
Чӧскыд чери ва.
Пӧртйын выя рок
Сука сукмӧма.