МЫЖКыасянь кыаӧдз тіраліс вӧр, План вӧсна чорыд кось сэтӧні муніс. Некор не чеччывны пуяслы бӧр, Усисны кодъяс та косьын. Рытъявыв шонді оз ӧшав сэн дыр — Лэччис, лад кутӧмӧн ассьыс. «Коймӧд бригадалӧн норма эз тыр»,— Сэк бригадир аслыс пасйис. Исковтӧ рыт, и со баракын чӧв,— Некод оз лысьт сійӧс торкны. Ӧтнас куш ывлаын потласьӧ тӧв, Йӧзлӧн жӧ синъясын — сёрни. Нинӧм эз шу бригадирлы прораб, Эз видчы, ни лёкысь эз равзы, Но синъясас вӧлі гижӧма став,— Индісны налы дзик ставсӧ. Быдӧнлы кузь тайӧ кажитчис вой, Быдӧнлӧн сьӧлӧмныс пессис: «Кыдзи нӧ тадзикӧн личӧдім сой? Кыдзи нӧ татшӧмӧдз лэдзчим?» Некодлы мыж талун узьны оз сет, Ставлӧн дзик пытшкас шог вӧрис, Кажитчис, быттьӧкӧ стенсянь портрет Ленинлӧн видзӧдіс скӧрысь. Водз асыв. Оз тыдав на кыалӧн борд, Бригада — ас местаас, вӧрын. Кык нормаӧн тайӧ лун сетіс быд морт. Рыт. Нюмъяліс на вылӧ Ленин.
