УЧРЕЖДЕННЬӦЯС КОМИӦ ПӦРТӦМ

Мый шуӧны крестьяна


Коми йӧз быдлаын ошкӧны коми кывлы туй восьтӧм. Со мый шуӧны коми крестьяна.

«Кӧрткерӧсса крестьяналӧн чукӧртчылӧм кывзіс обласьтса учрежденньӧяс комиӧ пӧртӧм йылысь висьталӧм да шуис: Учрежденньӧяссӧ колӧ матыстны коми крестьяна дінӧ. Сы могысь найӧс колӧ комиӧ пӧртны, ёнджыка колӧ паськӧдны коми кывсӧ, мед ставыс вӧлі гӧгӧрвоана коми йӧзлы».

Маджасаяс тадзи жӧ шуисны.

Пезмӧгсаяс: «Ми ӧтвылысь шуим пыртны учрежденньӧясӧ коми кыв».

«Ми, Позтыса крестьяна, обласьтын коми кыв пыртӧм йылысь юӧртӧм кывзӧм бӧрын шуим: Коми кыв колӧ ёнджыка паськӧдны став обласьтын, нуӧдны учрежденньӧясын став гижасян удж комиӧн, мед ставыс лоӧ гӧгӧрвоана коми йӧзлы».

Тадз жӧ шуисны мордінсаяс.

Со ещӧ: «Коншаса крестьяналӧн собранньӧ кывзіс Сӧветъяслӧн обласьтса съездлысь индӧдъяс да шуис: Съездлысь шуӧмъяссӧ ошкыны и мед эськӧ миян вокъяс, пермякъяс, ӧдйӧджык ӧтувтчисны миянкӧд и мед обласьтса став учрежденньӧясын сёрнитісны и гижисны комиӧн».

Тадзи шуӧны коми йӧз. А мый шуӧны мукӧдъяс?

Ленинградын велӧдчысьяс асланыс собранньӧ вылын январ 5-ӧд лунӧ (1924 во) со мый шуисны: «Ӧні Сыктывкарын дай став Коми обласьтын мунӧ коми кыв пыртан удж. Гашкӧ, сэні оз тырмыны та кузя уджалысьясыс? Сы понда, мыйӧн вермам, кутам отсавны. Колӧ тӧдмавны, мыйджык налы ӧні колӧ, кутшӧм удж вермасны миянлы сетны. Юралысь М. Ёль, гижысь И. Худяев».

Кыдзи та вылӧ видзӧдӧны Мӧскуаын велӧдчысьяс — вӧлі нин газетын налӧн гижӧд.

Коми кыв пыртӧм кузя комиссияын уджалысьяс январын ветлісны сиктъясӧ. Ӧні бӧр локталӧны. Удж бара босьтчас. Сыктывкарын вӧлі котыртӧма комиӧн лыддьысьны-гижны велӧдӧм.

Водзӧ вылӧ татшӧм велӧдӧмсӧ лоӧ ёнджыка паськӧдӧма.


Гижӧд
Учрежденньӧяс комиӧ пӧртӧм
Тема: 
Йӧзӧдан во: 

lkejrlkelkrgner klrjnelknfrkl ekjnrjkenfrej

1